Ракитич ПСЖнинг таклифини рад этди, у "Барселона" билан шартномасини узайтиради

Хорватиялик ярим ҳимоячи Иван Ракитич “Барселона”да тўп суришда давом этади.

Marca нашри тарқатган хабарга кўра 30 ёшли футболчи ПСЖдан бўлган жиддий таклифга рад жавобини берган ва каталонияликлар сафида қолишга қарор қилган. Ўз навбатида “Барселона” раҳбарияти ҳам у билан шартномани узайтирмоқчи. Айтиш лозимки, Иваннинг амалдаги шартномаси 2021 йилга қадар имзоланган ва унга кўра унинг товон пули 125 миллион еврони ташкил этади.

Эслатиб ўтамиз, бундан аввалроқ ПСЖ Ракитич учун “кўк-анор ранглилар”га 100 миллион евро таклиф қилишни режалаштираётгани ҳақида хабарлар тарқалган эди.