Пьянич учун яна бир даъвогар пайдо бўлди

Англиянинг "Манчестер Сити"  клуби ҳам "Ювентус" ярим ҳимоячиси Миралем Пьянич учун жиддий курашга қўшилди.

Football Italia нашри тарқатган хабарга кўра “шаҳарликлар” 28 ёшли босниялик футболчининг трансфери учун 100 млн евро сарфлашга тайёр. Боиси, Пьяничнинг хизматларига шахсан жамоа бош мураббийи Хосеп Гвардиоланинг ўзи қизиқиш билдира бошлаган.

Эслатиб ўтамиз, бундан аввалроқ Пьянич учун "Барселона" ва "Челси" клублари ҳам кураш олиб бораётгани ҳақида хабарлар тарқалган эди.