Про-лига: "Сурхон" қисқа муддатли таътилга чиқди

Термизнинг "Сурхон" жамоаси ўзининг сўнгги баҳсини Ғузорда "Шўртан" клубига қарши ўтказиб, ўзи учун керакли бўлган муҳим ғалабани қўлга киритди ва мусобақа жадвалининг 1-поғонасига чиқиб олди.

Про-лига биринчи давра сўнгги тур учрашувлари 29 июнь куни бўлиб ўтади. Ушбу турда "Сурхон" дам олади. Шу боисдан Ғузордаги баҳсдан сўнг футболчиларга 10-кунлик дам олиш имконияти берилди.

Игорь Шквирин шогирдлари 5 июлдан Тошкентда йиғилиб, иккинчи давра баҳсларига тайёргарликларини бошлайдилар.

Ушбу йиғин давомида жамоа сафига бир қатор тажрибали футболчилар келиб қўшилиши кутилмоқда. Ҳозирча "Сурхон" 4-5 нафар футболчи билан музокаралар олиб бормоқда.