Pepsi Суперлига. "Қўқон-1912" ўз уйида "Сўғдиёна"ни мағлуб этди

Қўқон шаҳридаги "Марказий" стадионда кечган беллашувда мезбонлар 2:1 ҳисобида зафар қучишди. Даставвал 54-дақиқада Қувондиқ Рўзиев ҳисобни очди. 75-дақиқада эса Санжар Рашидов жарима зарбасини қойилмақос тарзда ижро этиб, мувозанатни тиклади.

81-дақиқада учрашув бош ҳаками Аҳрол Рисқуллаев жиззахликлар дарвозаси томон пенальти белгилади. 11 метрли жарима зарбасини Мурод Холмуҳаммедов аниқ амалга ошириб, қўқонликларнинг ғалаба голига муаллифлик қилди.