ПСЖ ўз сафига МЛС юлдузларидан бирини қўшиб олади

АҚШнинг "Ди Си Юнайтед" клуби хавбеки Лусиано Акоста фаолиятини Францияда давом эттириши мумкин.

Sky Sports тарқатган хабарга кўра 24 ёшли аргентиналик футболчига ПСЖдан жиддий қизиқишлар пайдо бўла бошлади. Маълумотларга қараганда Акоста тиббий кўрикдан ўтиш учун аллақачон Парижга етиб келган. Унинг трансфери эса 9 млн еврога баҳоланмоқда.

Маълумот учун, Акоста якунланган мавсум МЛСда жами 34та ўйинда майдонга тушди ва ўз ҳисобига 10та гол ҳамда 15та голли узатма ёздириб қўйишга эришди.