ПСЖ Верраттини энг кўп маош олувчи италиялик футболчига айлантириши мумкин

Франциянинг ПСЖ клуби раҳбарияти жамоа ярим ҳимоячиси Марко Верраттини дунёдаги энг кўп маош олувчи италиялик футболчига айлантиришга тайёр.

Tuttomercatoweb нашри тарқатган хабарга кўра парижликлар 25 ёшли италиялик футболчи учун йилига 11 млн евро маошли янги шартнома таклиф қилишган. Қайд этиш лозимки, бундай катта маош Верраттини футболчи ҳамюртлари орасида энг кўп маош олувчига айлантириши мумкин.

Маълумот учун, Верратти ўтган мавсум ПСЖ сафида жами 38та ўйинда майдонга тушиб, ўз ҳисобига 2та гол ҳамда 7та голли узатма ёздириб қўйишга эришган.