Маурицио Сарри: "Наполи"дан истеъфога чиққанимни телевизор орқали билганман

Айни дамда “Челси”да фаолият олиб бораётган италиялик мутахассис Маурицио Сарри ўзининг “Наполи”дан қандай истеъфога чиққани ҳақида гапириб ўтди.

“Наполи”дан истеъфога чиққанимни телевизор орқали билганман. Мен ушбу қарор адолатли эканига шубҳаланардим, аммо имзоланган шартномада бундай бандлар бор эди. Лекин мен бундай нарсани кутмагандим. Умид қиламанки, Анчелотти мен жуда яқин келган совринга эриша олади”, - дейди Сарри.

Эслатиб ўтамиз, “Наполи” Сарри қўл остида ўтган мавсум кумуш медалларни қўлга киритган эди.