“Кристал Пэлас” футболчилари 1900-йилдан бери кузатилмаган ишни амалга оширишди

Бугун Англия Премьер-лигасида 37-тур ўйинлари старт олди. Турнинг илк ўйинида “Кристал Пэлас” жамоаси сафарда “Сток Сити”ни мағлуб этишнинг уддасидан чиқди – 2:1.

Шу тариқа, лондонликлар “АПЛда жон сақлаб қолиш миссияси”ни бажаришди. Қайд этиш жоиз, “бургутлар” мавсум аввалидаги 7 ўйиннинг барчасида мағлуб бўлишган эди.

Сўнгги бор бундай ҳолат 1899/1900 йилги мавсумда қайд этилган эди. Ўшанда “Ливерпуль” мавсум стартидаги 7 ўйиннинг барчасида мағлуб бўлсада, якунда элитада қолишни уддалаган эди.