"Inter" himoyachisi faoliyatini "Monako"da davom ettirishi mumkin

Milanning "Inter" klubi himoyachisi Joao Miranda joriy qishki transferlar yakuniga qadar jamoasini o‘zgartirishi mumkin.

Italiyalik mashhur jurnalist Janluka Di Martsio tarqatgan xabarga ko‘ra 34 yoshli braziliyalik futbolchi faoliyatini "Monako"da davom ettirishi mumkin. Ta’kidlash kerakki, u joriy mavsum “neradzurrilar” safida etarli o‘yin amaliyotiga ega bo‘la olmayotgani sabab boshqa jamoaga o‘tishni rejalashtirmoqda. Milanliklar ham uni qo‘yib yuborishga qarshi emas.

Ma’lumot uchun, Miranda joriy mavsum A Seriyada bor yo‘g‘i 8ta o‘yinda ishtirok etdi.