Ҳасанбойдан кумуш медаль

Ҳиндистоннинг Нью-Деҳли шаҳрида спорт курашлари бўйича ёшлар ўртасида Осиё чемпионати ўз якунига етди. Бир неча кун давом этган қизғин беллашувларда терма жамоамиз вакиллари муносиб иштирок этишди. 

Мусобақанинг сўнгги кунида ёш курашчиларимиз 1 тадан олтин ва кумуш медалларини жамғаришди. Хабар берганимиздек, бироз аввал 61 кг вазн тоифасида Аббос Раҳмонов чемпионликни қўлга киритган бўлса, энг оғир вазн тоифасида гиламга чиққан Ҳасанбой Раҳмонов финалда эронлик Амир Ёрига 1:3 ҳисобида имкониятни бой бериб қўйди. 

Шу тариқа мусобақа терма жамоамиз вакиллари юнон-рим курашида 1 тадан олтин ва кумуш, 2 та бронза, аёллар курашидан 1 кумуш, шунингдек, эркин курашдан 2 та олтин, 1 тадан кумуш ҳамда бронза медалларини қўлга киритишди.