Go‘zal Yusupova kortga qaytdi

Farg‘onada xotin-qizlar o‘rtasida Xalqaro tennis federatsiyasi tomonidan tashkil etilayotgan turnirda saralash bahslari o‘tkazilmoqda.

Asosiy to‘r bahslariga chiqish uchun o‘tayotgan saralash bosqichning ilk davrasida hamyurtimiz Go‘zal Yusupova AQSh vakilasi Aleksandra Rileyni 6:0, 6:2 hisobida mag‘lubiyatga uchratdi.

Qur’a natijasiga ko‘ra ikki tennischimiz – Gulsina Halimullina va Irisa Tursunova o‘zaro raqiblarga aylandi. Ushbu uchrashuvda Gulsina 6:3, 6:2 hisobida g‘alaba qozondi.