Эшли Янг Моуриньодан нима сўради?

Англиянинг “Манчестер Юнайтед” клуби ярим ҳимоячиси Эшли Янг жамоа бош мураббийи Жозе Моуриньодан ўзини бошқа жамоага ижарага беришни сўради. Бу ҳақда Daily Mail нашри хабар тарқатмоқда.

Бунга асосий сабаб футболчи “МЮ”да керакли ўйин амалиётига эга бўлмаётганида. Айтиш керакки, Янг сўнгги бор “қизил иблислар” сафида ўтган йилнинг ноябрь ойида майдонга тушган эди.

Аввалроқ, Эшли Янгга бир қатор Хитой клублари ва премьер-лиганинг бошқа жамоаларидан қизиқишлар бўлаётганлиги ҳақида хабарлар тарқалган эди.