Dzyudochilarimiz Germaniyadagi «Katta Dubulg‘a» turniriga tayyorgarlik ko‘rishmoqda

Dzyudo bo‘yicha O‘zbekiston terma jamoasi a’zolari Toshkent viloyatining Bo‘stonliq tumanida joylashgan “Xumson” sihatgohida yig‘in boshlashdi. Bu haqda Milliy olimpiya qo‘mitasi rasmiy sayti xabar bermoqda.

Ushbu o‘quv-mashg‘ulot yig‘inida asosiy tarkib dzyudochilari bilan birga terma jamoaga nomzod iste’dodli yoshlar ham ishtirok etishyapti. Mazkur yig‘in Germaniyaning Dyusseldorf shahrida o‘tkaziladigan «Katta Dubulg‘a» turkumidagi turnirga tayyorgarlik vazifasini o‘tab beradi.

Farhod To‘raev boshchiligidagi mashg‘ulotlarda Diyorbek O‘rozboev, Shahram Ahadov, G‘iyosjon Boboev, Sherali Jo‘raev, Bekmurod Oltiboev, Gulnoza Matniyazova, Amina Mamedova kabi terma jamoamizning etakchi dzyudochilari bor.