Dalich: Xorvatiya Ispaniyaga qarshi o‘yinda faqat g‘alaba uchun o‘ynaydi

Xorvatiya terma jamoasi bosh murabbiyi Zlatko Dalich bugun UEFA Millatlar ligasi doirasida Ispaniyaga qarshi bo‘lib o‘tadigan o‘yin oldidan o‘z fikrlarini bildirib o‘tdi.

“Bizning terma jamoa hech kimdan nusxa olmaydi. Xorvatiya terma jamoasi o‘ziga hos uslub va kuchli xarakterga ega. Biz ko‘p mehnat qilamiz va omad ham bizga yordam beradi.

Ispaniya? Ushbu o‘yindagi g‘alaba bizga o‘zimizga bo‘lgan ishonchimizni yanada oshiradi deb o‘ylayapman. Bugun jamoamiz Portugaliya bilan o‘yinga nisbatan keskinroq bo‘lishi kerak. Biz bugun faqat g‘alaba uchun o‘ynaymiz”, - deydi Dalich.