“Челси” “Ювентус” хавбеки билан алоқага чиқди

Лондоннинг “Челси” клуби “Ювентус” ярим ҳимоячиси Миралем Пьянични ўз сафига қўшиб олишни истамоқда.

Calciomercato нашрининг хабар беришича “аристократлар” бу борада хатто 28 ёшли босниялик футболчи билан алоқага ҳам чиқишган. Аниқроғи, “Челси” вакиллари жорий ҳафта Пьяничнинг агенти Фали Рамадани билан музокаралар ўтказишган. Бироқ, унинг мижози инглизларга рад жавобини берган ва "Альянц Стэдиум"да қолиш ниятида эканлигини айтган.

Эслатиб ўтамиз, бундан аввалроқ "Ювентус"нинг янги аъзоси - Криштиану Роналду ҳам жамоа раҳбариятидан Пьянични сотмасликни сўрагани ҳақида хабарлар тарқалган эди.