"Бавария" Ракитич учун таклиф тайёрламоқда

Мюнхеннинг “Бавария” клуби “Барселона” ярим ҳимоячиси Иван Ракитичнинг трансфери бўйича таклиф тайёрламоқда.

Унга кўра Германия чемпиони 30 ёшли хорватиялик футболчи учун каталонияликларга 70 млн евро таклиф қилмоқчи. Ракитичнинг ўзига эса яхшигина маош ва асосий таркибдан жой ваъда қилмоқда.

Маълумот учун, Ракитич ўтган мавсум “Барселона” сафида жами 55та ўйинда майдонга тушиб, ўз ҳисобига 4та гол ёздириб қўйишга эришган.