"Барселона" 19 ёшли франциялик футболчининг трансферини эълон қилди

"Барселона" Франциянинг "Тулуза" клуби ҳимоячиси Жан-Клер Тодибонинг трансферини эълон қилди.

Каталонияликлар расмий сайти тарқатган хабарга кўра 19 ёшли футболчи мавсум якунлангач, яъни “Тулуза” билан шартномаси тугагач “кўк-анор ранглилар” сафига эркин агент сифатида келиб қўшилади. Шундан сўнг у “Барселона” билан 4 йиллик шартнома имзолайди.

Маълумот учун, Тодибо жорий мавсум “Тулуза” сафида жами 10та ўйинда иштирок этди ва ўз ҳисобига 1та гол ҳамда 1та голли узатма ёздириб қўйишга эришди.