Ана холос! Италия Б Сериясида 3та клуб банкрот бўлди, энди чемпионатда 22та эмас 19та жамоа ўйнайди

Италия Б Сериясининг янги мавсумида 22та жамоа ўрнига 19та жамоа иштирок этадиган бўлди.

Football Italia нашрининг хабар беришича “Бари”, “Чезена” ва “Авеллино” клублари банкрот деб топилган ва турнирдан чиқариб юборилган.

Таъкидлаш керакки, мусобақада бўшаган 3та ўринга «Катания», «Новара», «Сиена», «Тернана», «Про Верчелли» ва «Виртус Энтелла» каби клублар иштирок этиш учун ариза топширишган бўлишсада, лига раҳбарияти чиқариб юборилган жамоалар ўрнини тўлдирмасдан, яъни 19талигича қолдирмоқчи.