33 ёшли Левандовски учун Европанинг топ клублари курашмоқда

"Бавария" футболчиси Роберт Левандовскига гранд клублар қизиқиш билдирмоқда. Унинг клуб билан шартномани узайтирмаётгани бошқа жамоалар учун айни муддао бўлмоқда. 

Аввалроқ, польякни "Челси", "Реал" ва МЮ каби топ клублар сотиб олмоқчи эканлиги ҳақида хабарлар чиққан эди. "Fichajes" нашрига кўра, бу жамоалар сафига энди "Манчестер Сити" ҳам қўшилди. 

Гвардиола агар Холанд трансфери ўхшамаса, унинг ўрнига "Бавария"дан Левандовскини харид қилмоқчи. 33 ёшли истеъдод эгаси ҳам Мюнхенни тарк этишга қаршилик билдирмаяпти. 

Маълумот ўрнида, Роберт Левандовски жорий мавсум Бундеслиганинг 26 ўйинида 29 гол уриб, битта ассист амалга оширган.