2030 yilgi Jahon chempionatida jamoalarning soni keskin oshishi mumkin

FIFA 2030 yilgi Jahon chempionatida ishtirok etuvchi jamoalarning sonini 64 taga oshirishi mumkin, deb xabar bermoqda "L'Equipe" va "The New York Times" nashrlari. 


 
Ma’lumotlarga ko‘ra, 2030 yil 6 ta davlatda bo‘lib o‘tadigan (Paragvay, Urugvay, Argentina, Marokash, Portugaliya va Ispaniya) Jahon chempionatida jamoalar soni 64 taga etkazilishi ehtimoli bor. Ya’ni ushbu taklifni musobaqani o‘zida qabul qiladigan Urugvay vakili ilgari surgan, so‘ngra FIFA prezidenti Janni Infantino ushbu taklifni qiziq g‘oya, deb atagan. 

 

Xabaringiz bor, 2026 yil Amerikada bo‘lib o‘tadigan Jahon chempionatida 48 ta jamoa qatnashishi ko‘zda tutilgan. 2022 yilgi Qatarda bo‘lib o‘tgan turnirda odatdagidek 32 ta jamoa ishtirok etishga muvaffaq bo‘lgan edi.