Испаниянинг машҳур нашри – Marca Зинедин Зидан “Реал”дан истеъфога чиқарилиши эҳтимоли катта эканини ёзмоқда.
Маълумотларга қараганда, “Қироллик клуби” раҳбариятининг франциялик мутахассисга бўлган ишончи пасайиб кетди. Зиданнинг аксарияти қарорлари шубҳа остига олинмоқда. Шу икки ҳафта ичида у ишидан айрилиши мумкин.
Яқин кунлар ичида “Реал” футболчилари “Севилья”, “Боруссия М” ва “Атлетико” билан куч синашади. Мана шу муҳим ўйинлардаги натижалар Зиданнинг фаолиятига баҳо беради. Клуб раҳбарияти футболчиларнинг “Шахтёр”дан учралган мағлубиятдан кейин ўзини қандай тутишини билмоқчи.
Муҳим учрашувларда муваффақиятсизликлар Зиданнинг фаолиятига салбий таъсир ўтказаётгани айтилмоқда.
Изоҳлар (0)
Ҳозирча изоҳлар йўқ