Зидан Франция бош мураббийлиги учун шартномани имзоламагани сабаби ошкор бўлди
- 19-ноябр 2025, 08:03
- Zohir Toshxo’jayev
- 0
- Футбол
Франция терма жамоаси бошқарувида ўзгариш бўлиши кутилмоқда. Европа матбуотининг маълум қилишича, жамоани 2012 йилдан бери бошқариб келаётган Дидье Дешам 2026 йилги жаҳон чемпионатидан кейин жойини бўшатади.
57 ёшли Дешамнинг ўрнини яна бир таниқли мутахассис Зинедин Зидан эгаллаши кутилмоқда. Зидан 2021 йили “Реал” бош мураббийлигидан озод этилганидан бери ишсиз юрибди.
Унга ҳар йили гранд клублардан таклиф тушади. Бироқ Зидан Франция терма жамоасини бошқариш илинжида бу чорловларнинг бирортасини қабул қилгани йўқ.
Таниқли инсайдер Фабрицио Романонинг маълум қилишича, Зидан ўзи кутган лавозим – Франция терма жамоаси бош мураббийлиги учун Франция футбол федерацияси билан шартнома имзолагани йўқ.
Бунга Зиданнинг Дешамга бўлган ҳурмати сабаб экани айтилмоқда. У ҳозирги мураббий бош мураббий сифатида ишини якунламагунича бу лавозимни қабул қила олмаслигини маълум қилган.