"Ювентус" президенти иккиюзламачилик қилди

Туриннинг "Ювентус" клуби президенти Андреа Аньелли Европа Суперлигаси эълон қилинишидан олдин иккиюзламачилик қилгани маълум бўлди.

Football Italia хабарига кўра, италиялик функционер УЕФА раҳбари Александр Чеферинни Чемпионлар лигасини ислоҳ қилишга содиқлигига охирги дамгача ишонтирган ва ҳатто қўшма баёнот беришга ҳам тайёр бўлган.

Бироқ, сўнгги дамда Аньелли вақт чўзишни бошлади ва алоқани тўхтатди. У ҳатто телефонини бутунлай ўчириб қўйди. Орадан кўп ўтмай, янги турнир бошлангани, унда "Ювентус" ҳам иштирок этиши эълон қилинди.

Чеферин ушбу воқеалардан сўнг Аньелли боғланишга уринди, аммо бу натижа бермади. Бўлиб ўтган воқеалардан кейин улар суҳбатлашдими ёки йўқми, манбада аниқлик киритилмаган.