"Ювентус" нимага ишонмоқда?
- 30-май 2021, 17:57
- Baxtiyorjon Toshtemirov
- 0
- Футбол
"Милан" дарвозабони Жанлуижи Доннарумма Италия А Сериясида ўйнашда давом этиши мумкин.
"Ювентус" 22 ёшли дарвозабонни эркин агент сифатида сотиб олишига ишонмоқда, дейди инсайдер Николо Скира. Боиси Доннарумманинг “россонерилар” билан амалдаги шартномаси шу ёзда ўз ниҳоясига етади.
Маҳоратли дарвозабонга "Барселона" ҳам харидор, аммо "Юве" ўтган қишдан бери агент Мино Райола билан музокара олиб бормоқда ва Жанлуижига йилига 10 миллион евро маош билан 2026 йилгача мўлжалланган шартнома таклиф қилмоқда.
Қайд этилишича, “Ювентус”нинг асосий дарвозабони Войцех Шенсни АПЛ клубига кўчиб ўтиши мумкин. Футболчининг агенти бу борада музокараларни бошлаб юборган.
Доннарумма жорий мавсум А Серияда 37 та ўйин ўтказди ва шуларнинг 13 тасида ўз дарвозаси дахлсизлигини сақлаб қолди.