Яя Туре, Ибрагимович, Балотелли ва яна 2 та машҳур футболчи Бразилиянинг ўртамиёна клубига ўтиши мумкин

Бразилиянинг "Васко да Гама" клуби бирданига 5 та футбол юлдузини ўз сафига қўшиб олмоқчи. Бу ҳақда AS нашри хабар тарқатди.

Юқоридаги манбага кўра, клуб президентлигига номзод Луис Роберто Левен Сиано агар ушбу лавозимни эгалласа, жамоага бир қатор номдор футболчиларни олиб келишга ваъда бермоқда.

Аниқроғи, Сиано клубга Златан Ибрагимович ("Милан"), Марио Балотелли ("Брешия"), Яя Туре ("Циндао Хайню"), Себастьян Жовинко ("Аль-Хиляль") ва Алекс Тейшейра ("Цзянсу Сунин") каби машҳур футболчиларни олиб келмоқчи.

Айтиш керакки, "Васко да Гама" ўтган мавсум Бразилия чемпионатини 12-ўринда якунлаган эди.