“Лилль” ҳужумкор футболчиси Эдон Жегрова ўз ўйини билан “янги Азар” лақабини олди. 23 ёшли футболчи айни пайтда бир қатор гранд клублар нишонида турибди. Хусусан, “Арсенал” ҳали трансфер суммаси кўтарилиб улгурмаган ўйинчини тезроқ ўз сафига қўшиб олиш ҳаракатига тушиб қолди.
Эдон Жагрова Косово терма жамоаси ўйинчиси ҳисобланади. Катта футболга қадамини Бельгиянинг “Генк” клубида қўйган. Ўйин услуби бельгиялик юлдуз Эден Азарга ўхшаши боис. “янги Азар” лақабини олган.
Жегрова “Генк”дан ташқари Швейцариянинг “Базель” клубида ҳам ўйнаган. “Лилль” бу ўйинчини 2022 йилнинг январида 7 миллион еврога харид қилди. Ҳужумнинг ҳар икки қанотида ўйнай оладиган футболчи француз клубидаги дебют мавсумида барча турнирларда 28 та учрашув ўтказиб, ўз ҳисобига олтита гол ва еттита ассист ёздириб қўйди.
“Арсенал” бош мураббийи Микель Артета ёш истеъдод эгасига ўз жамоасидан жой беришга тайёр.