Яна ким қолди? "Металлург" 12 нафар футболчи билан хайрлашди

Бекободнинг "Металлург" жамоаси кетма-кет футболчиларнинг кетганини эълон қилмоқда.

"12 нафар ўйинчимизнинг шартнома муддати якунланди. Футбол бўйича 2024 йилги мавсум тарих саҳифаларидан аллақачон жой эгаллаб бўлди. Суперлигадаги мавқеини Про лига ҳамда элитанинг аутсайдер жамоаларига қарши ўтиш плей-офф учрашувлари орқали сақлаб қолган Бекободнинг “Металлург” футбол клубида 12 нафар ўйинчиси билан тузган шартномаси муддати ҳам якунига етганлигини маълум қиламиз.

Кетма кет бир неча мавсум Тошкент вилояти саноатчилар шаҳри жамоаси шарафини ҳимоя этган ушбу футболчилар Бекобод аҳли чарм тўп ихлосмадларининг севимли ўйинчиларига айланиб улгурган эди. Булар:
Забихилло Ўринбоев
Акмал Ортиқов
Иван Йосович
Марко Миличкович
Керим Палич
Шаҳзодбек Убайдуллаев
Сирожиддин Қўзиев
Шаҳзоджон Неъматжонов
Алишер Хайруллаев
Самандар Жўрабеков
Асадбек Собиржонов
Даврон Ҳошимов

“Металлург” футбол клуби ушбу футболчиларнинг барчасига Бекободдаги фаолияти учун миннатдорлик билдиради", - дейилади клуб матбуот хизмати хабарида.