Хушхабар! Ўзбекистон терма жамоаси аъзоси Эронга қарши ўйнаши мумкин!

Бугун Сречко Ктанец бошчилигидаги Ўзбекистон терма жамоаси "Жар" стадионида "ЖЧ-2026" саралаши доирасидаги Эронга қарши учрашув олдидан машғулот ўтказди. 

Эътиборли томони, унда "Насаф" сардори Умарбек Эшмуродов ҳам қатнашди ва машғулот олиб борди. Аввалроқ Эшмуродов терма жамоани тарк этганди. "Аждарлар" клуби матбуот хизмати жамоа сардори шамоллаб қолганлиги сабабли терма жамоанинг жорий йиғинини ўтказиб юбориши ҳақида хабар берган эди. 

Эслатиб ўтамиз, 30 ёшли ҳимоячи "Насаф" ва ОКМК ўртасидаги Ўзбекистон кубоги баҳсини ҳам ўтказиб юборган эди.