Холанд табрикларни қабул қил!
- 8-январ, 15:49
- Zohir Toshxo’jayev
- 0
- Футбол
Англия премьер-лигасининг 21-турида “Манчестер Сити” ўз майдонида “Брайтон” билан куч синашди ва қизғин ўтган баҳсда 1:1 ҳисобида дуранг натижа қайд этилди.
“Шаҳарликлар”нинг голини Эрлинг Холанд киритди ва учта учрашув давом этган голсиз сериясига якун ясади.
Бу 25 ёшли норвегиялик форвад учун “Манчестер Сити”даг 150-гол сифатида қайд этилди.
Клуб матбуот хизмати Холандни ушбу ютуқ билан табриклади.
Эрлинг 150 та голга етишиш учун барча мусобақаларда жами 173 та ўйин ўтказди. Шунингдек, унинг ҳисобида 25 та голли узатма ҳам бор.
Холанд 2022 йилнинг ёзидан буён “Манчестер Сити”да ўйнаб келмоқда, у жамоага Дортмунднинг “Боруссия” клубидан ўтган.
Transfermarkt маълумотларига кўра, футболчининг ҳозирги бозор қиймати 200 миллион еврони ташкил этади. У дунёдаги энг қиммат уч нафар футболчи қаторига киради.