Холанд ҳаммани ортда қолдирди
- 19-ноябр 2025, 07:50
- Zohir Toshxo’jayev
- 0
- Футбол
2026 йилнинг ёзида футбол бўйича ўтказиладиган жаҳон чемпионатига бирданига уч мамлакат – АҚШ, Канада ва Мексика мезбонлик қилади.
Европа мамлакатлари бўлажак мундиал йўлланмалари ўйналган минтақавий сараш турнирини якунлади ва “кўҳна қитъа”дан энг нуфузли футбол мусобақасида қатнашадиган терма жамоалар номи маълум бўлди.
Саралаш турнири тўпурарлар пойгасида Норвегия терма жамоаси ҳужумчиси Эрлинг Холанд ғолиб чиқди. “Манчестер Сити” вакили саралашнинг саккизта ўйинида рақиблар дарвозасини 16 маротаба ишғол қилди ва иккита голли пас узатди.
Кейинги ўринда қайд этилган Нидерландия терма жамоаси форварди Мемфис Депай саккизта гол ва тўртта ассист муаллифи бўлди. Австриялик Марко Арнаутович ҳисобида саккизта гол ва битта голли пас бор.
Англия терма жамоаси етакчиси Ҳарри Кейн ҳам рақиблар дарвозасига саккиз маротаба йўл топган. Бироқ тажрибали форвард бирорта голли пас узатмагани учун самарадорлик рейтингида тўртинчи поғонада қолди.
Кучли бешликни Испания терма жамоасида олтита гол уриб, жамоадошларига тўртта голли вазият яратиб берган Микель Оярсабаль якунлаб берди.