Хет-трик қилган 19 ёшли футболчини 8 гранд талаша бошлади
- 11-декабр 2025, 06:35
- Zohir Toshxo’jayev
- 0
- Футбол
Бундеслиганинг кучли клубларидан ҳисобланган “Лейпциг”нинг 19 ёшли футболчи Ян Диоманде Германия чемпионатининг 13-турида учта гол урганидан кейин бозори бирдан қайнай бошлади.
“Лейпциг” ўтган турда “Айнтрахт”ни 6:0 ҳисобида мағлуб этди ва голларнинг тенг ярмини Диоманде киритди.
Таниқли журналист Экрема Конурнинг маълум қилишича, бу ўйинчини “Ливерпуль” ва “Манчестер Сити” анчадан бери диққат билан кузатиб келмоқда.
Энди бу ўйинчига даъвогарлар қаторига Англиянинг “Арсенал” ва “Челси”, Германиянинг “Бавария”, Франциянинг “Пари Сен-Жермен”, Испаниянинг “Барселона” ва “Реал” каби грандлари қўшилди.
Жорий мавсумда барча турнирларда 15 та учрашувда еттита гол ва тўртта ассист муаллифи бўлган иқтидорли ўйинчи Transfermarkt портали экспертлари томонидан 20 миллион еврога баҳоланмоқда.