Хебай Албанияда ҳам машҳур бўлиб кетди. У терма жамоаси учун асосий номзод футболчи сифатида кўрилмоқда!

"Андижон" футболчиси Рубин Хебайнинг "Суперлига-2023"нинг энг яхши футболчиси бўлганидан хабарингиз бор. У ҳақда SPORTS.uz сайти журналисти Яҳёхўжа Улуғхўжаев қизиқ маълумот эълон қилди.

"Бугун энг яхши деб эътироф этилган Рубин Хебай ҳақида сизни ҳайрон қолдирадиган маълумот! Албания терма жамоасининг медиа раҳбари Фатжон Корда "Андижон" клуби матбуот котиби Шухратбек Жўраев билан шу кунларда бир неча бор суҳбатлашган.

Корданинг айтишича, Хебай ҳозир Албания футбол оламида тренддаги мавзуга айланган. Унинг Суперлигада киритган голлари ва иштироки футбол ишқибозлари томонидан кенг муҳокама қилинмоқда.

Рубиннинг Суперлигада энг яхши футболчи бўлгани Албания терма жамоаси мураббийлар штабини эътиборини тортган. Ҳужумчи, ҳозир миллий терма жамоаси учун асосий номзод футболчи сифатида кўрилмоқда. Турли сайт ва нашрлар уни "Ўзбекистондаги Рубин" (қимматбаҳо тош) деб атамоқда.

Рубиннинг Сурерлигадаги иштироки нафақат Ўзбекистонда, балки Албанияда хам катта резонанс берган", - дейилади хабарда.