Хави "Арсенал" ва "Челси"нинг диққат марказида
- 18-июл 2025, 23:09
- Bilolbek Imomov
- 0
- Футбол
Нидерландиялик ёш истеъдод Хави Симонс жорий ёзда жамоасини ўзгартириши мумкин. "Лейпциг"даги мавсуми якунига етгач, футболчи жамоа билан хайрлашиш нияти борлигини билдирган.
"TalkSPORT" нашрининг ёзишича, 22 ёшли футболчининг хизматларига "Арсенал" ва "Челси" клублари жиддий қизиқиш билдирмоқда. Лондондиклар футболчини тахминан 56 миллион фунт эвазига харид қилишга умид қилишмоқда.
"Арсенал" раҳбарияти Симонс ёки "Кристал Пэлас" вингери Эберечи Эзени жамоага қўшишни режалаштирмоқда. Агар Габриэл Мартинелли ва Леандро Троссард жамоада қолса, шундан бирига устунлик берилади. Бироқ, улардан бири жамоани тарк этса, лондонликлар икки футболчини ҳам олишни кўриб чиқиши мумкин.
"Челси" эса Симонсни Кристофер Нкункуга эҳтимолий ўринбосар сифатида кўрмоқда.
Эслатиб ўтамиз, Хави ўтган мавсум Бундеслигада 25 ўйинда иштирок этиб, 10 та гол ва 7 та ассист муаллифи бўлган.