Хавьер Мендес: “"Агар Ислам Махачев Жек Маддаленани партерга торта олмаса..."

AKA зали асосчиси ва россиялик UFC собиқ чемпиони Ислам Махачевнинг мураббийи Хавьер Мендес шогирдининг навбатдаги жанг ҳақида фикр билдирди. Махачев ноябрь ойида бўлиб ўтадиган UFC 322 турнирида ярим ўрта вазн чемпиони Жек Делла Маддаленага қарши октагонга чиқади.

"Агар Ислам рақибни партерга йиқита олмаса ва фақат "стойка"да жанг қилишга тўғри келса, демак, у шундай қилади. Бироқ биз ҳар қандай имкониятдан фойдаланишимиз керак. Мақсад — фақатгина Жекни ерга йиқитиш эмас, балки у тақдим этадиган ёки биз яратадиган ҳар бир имкониятдан унумли фойдаланиш", — деди Мендес "Red Corner MMA" YouTube каналига берган интервьюсида.

Эслатиб ўтамиз, Ислам Махачев ММАда 28 та жанг ўтказган (27 ғалаба ва 1 мағлубият). Делла Маддалена эса 20 та жангда иштирок этган (18 ғалаба ва 2 мағлубият).