Хамзат Чимаевми ёки Дю Плесси? Роберт Уиттакер жавоб берди

Ўрта вазн тоифасида UFC собиқ чемпиони Роберт Уиттакер 84 кг вазн тоифасида амалдаги чемпион Дрикус дю Плесси ва чеченистонлик Хамзат Чимаев ўртасидаги бўлажак жанг учун ўз прогнозларини билдирди.

"Менимча, бу баҳсда Дрикус фаворит. Агар Хамзат уни партерга ололмаса, "стойка"да ютқазиши аниқ. Ростини айтсам, ким ғолиб бўлиши менга ҳам қизиқ. Ушбу беллашувни интиқлик билан кутяпман" - дея Уиттакер сўзларини келтирмоқда "Red Corner ММА".

Маълумот учун, дю Плесси (23-2) ва Чимаев (14-0) тўқнашуви 17 август куни "UFC 319" турнирида бўлиб ўтади.