Хабиб Нурмагомедов: "Ўша нутқим ММАни бутунлай ўзгартириб юборди"
- 20-январ, 16:05
- Javohir Malikov
- 0
- MMA
Россиялик UFC афсонаси Хабиб Нурмагомедов ирландиялик Конор Макгрегор билан тўқнашувини эслаб ўтди.
"Менга Эдди Альваресга қарши титул жанги учун шартнома юборишди. Мен эса уни имзоладим, бироқ кейин Альвареснинг Конор билан тўқнашувини эълон қилишди. UFC мендан Эддини Макгрегор билан баҳсга кўндириш учун фойдаланди. У шартнома имзолади, мен эса четда қолдим. Шунда ҳам бу адолатсизлик, деб нолимадим.
Мен улардан Дастин Порьени нокаутга учратган Майкл Жонсон билан Нью-Йоркдаги UFC турнирида жанг беришларини сўрадим. Чунки Жонсон ўша пайтда ТОП-4 да эди. Охир-оқибат унга қарши октагонга кўтарилдим. Бу UFC тарихидаги энг катта чиқишлардан бири бўлди. Ўша ерда мен ММА ни бутунлай ўзгартирган нутқни айтдим: “Мен сизнинг жўжангиз билан жанг қилмоқчиман. Бу мен учун энг осон баҳс.” Ўша куни Конор ҳам чиройли ғалабага эришди, мен ҳам ютдим.
Вазн ўлчаш маросимида эса орамизда кескинлик юзага келди. Ҳаммаси ўшандан бошланди. Аммо бугунги кўплаб мухлислар бу тарихни умуман билишмайди", — деди Нурмагомедов “Удар” телеканалига берган интервьюсида.
Эслатиб ўтамиз, 2018 йил октябрь ойида Хабиб Нурмагомедов Конор Макгрегорни тўртинчи раундда бўйин бўғиб қўйганди. Жангдан сўнг ирландияликнинг жамоаси билан юзага келган муштлашув Хабибнинг 9 ойга дисквалификация қилиниши ва 500 минг доллар жаримага тортилишига сабаб бўлган.