Хабиб Нурмагомедов: "Дембеле — сен энг зўрисан"

36 ёшли UFC афсонаси Хабиб Нурмагомедов “ПСЖ” ва Франция терма жамоаси ҳужумчиси Усман Дембелени йилнинг энг яхши футболчиси совринини олгани билан табриклади.

"Дембеле — энг зўрисан. Табриклайман", — деб ёзди Хабиб француз юлдузи ҳамда россиялик ММА жангчиси Ислом Махачев билан биргаликда тушган суратни илова қилган ҳолда. Бу сурат 2024/25 йилги Чемпионлар лигаси финалида олинган эди.

Эслатиб ўтамиз, “Олтин тўп–2025”да Дембеле “Барселона” ва Испания терма жамоаси вингери Ламин Ямалдан илгарилаб кетди. Учинчи ўринни эса унинг жамоадоши Витинья эгаллади.