Владимир Кличко: "Жорж Форман ўз номини тарихнинг ёрқин саҳифаларидан бирида қолдирди"

Оғир вазнда собиқ жаҳон чемпиони Владимир Кличко 76 ёшида вафот этган афсонавий боксчи Жорж Форман ҳақида гапирди.

"Жоржнинг вафоти қалбимизда катта бўшлиқ қолдирди. У бокснинг барча ноёб қадриятларини ўзида мужассам этганди. Форман номини тарихнинг ёрқин саҳифаларидан жой эгаллади. Биз уни ҳеч қачон унутмаймиз. Оиласи, дўстлари ва мухлисларига чуқур ҳамдардлик билдирамиз" - деб ёзди украиналик ижтимоий тармоқда.

Аввалроқ, яна бир афсона Майк Тайсон ҳам Форманнинг оила аъзолари ва яқинларига ҳамдардлик билдирган эди.