Виталий Левченко: "Йовович жароҳат олганди, таваккал қилишни хоҳламадик"

Суперлиганинг 5-туридан ўрин олган “Машъал” – “Нефтчи” (1:4) учрашувидан кейин ташкил этилган матбуот анжуманининг биринчи қисмида меҳмонлар устози Виталий Левченко иштирок этди.

- Хайрли кеч. Учрашувни ишончли тарзда бошладик. Ўйинни назорат қила олдик. 2 та тўп киритдик, бироз хотиржамликка бериб ташаббусни рақибга бериб қўйган эдик. Охирида яна ўйинимизга қайта олдик. Танаффусда йигитлар билан гаплашиб олгандик. Хатоларини тушунтириб ўтдик. Иккинчи бўлимни ишонч билан бошлаб, ўз ўйинимизни кўрсатиб, ғалаба учун хизмат қилишди. Футболчиларни ва мухлисларимизни табриклайман.

- “Нефтчи”нинг асосий таркибида ротация бўлиши тахмин қилинганди...

- Бизнинг жамоамиз янги ташкил топган. Ҳар бир ўйинда бир-бирларини тушуниб ўйнашни ва сифатни яхшилашга ҳаракат қиляпмиз. Оптимал таркибни туширмоқдамиз. Олдимизга қўйилган вазифани бажариш учун ҳаракат қиляпмиз. Бизда иккита бир хил таркиб мавжуд. Машғулотларда ким тайёр бўлса ўшаларни туширяпмиз. Кейинги ўйинларда ротация бўлиши мумкин. Йигитларни ҳолатидан келиб чиқиб иш тутмоқдамиз. Ҳозирда режамиз ўз ўйинимизни бир хил ритмда ушлаб туришга ҳаракат қилишдан иборат.

- 15 апрель куни “Навбаҳор”га қарши майдонга тушасизлар. Бўлажак учрашувда таркибда қандай кўринишда бўлади?

- 15-санагача ҳали вақт бор. Яна такрорлаб ўтаман, бизда иккита бир хил таркиб мавжуд. Кимдадир кичик жароҳатлар мавжуд. Тиклана оладими, буни вақт кўрсатади. Ким тайёр бўлса, ўша тушади. Унгача ҳали вақт бор.

- Владимир Йововичнинг ҳозирги ҳолати қандай?

- Йовович олдинги ўйинда жароҳат олган. Биз таваккал қилишни хоҳламадик. Жароҳат доим ёқимли ҳолат эмас. Даволанди, тайёр бўлишига майдонга туширамиз. Агар тайёр бўлмаса даволашда давом этамиз.