Германия терма жамоаси ва “Ливерпуль” футболчиси Флориан Вирцнинг агенти Фолькер Штрут мижози фаолиятини “Реал Мадрид” клубида давом эттириш истагини билдираётганини айтди.
Унинг таъкидлашича, Вирц “Байер”да ўйнаб юрган кезлари унинг “Ливерпуль” ёки “Бавария”га ўтиш масаласи муҳокама қилинган пайтда у “Реал”га янги тайинланган Хаби Алонсо билан боғланиб, футболчини ўзи билан “Қироллик клуби”га олиб кетишни сўраган.
Алонсо эса, бу масала бўйича клуб президенти Флорентино Пересга мурожаат қилишни маслаҳат берган.
Штрут ушбу тавсия кўра, Пересга хабар ёзиб, Вирц ҳар қандай жамоани кучайтира олишини таъкидлаган. Ўша пайтда жамоа таркиби ва бюджет сабабли трансфер учун ноқулай вақт бўлган.
Гарчи Флориан Вирц ўтган ёзда “Ливерпуль”га кўчиб ўтган бўлса-да, яқин келажакда “Реал”га ўтиш фикридан воз кечмаган. Фолькер Штрут эса, мижозининг орзусини рўёбга чиқариш имкониятларини ўрганиб чиқяпти.