Веско Стешевич: "Ўринбоевнинг жароҳати сабаб режаларимизга ўзгартириш киритишга мажбур бўлдик"

Ўзбекистон кубоги 1-тури "Металлург" - "Сирдарё ФА" (5:0) учрашувидан сўнг мезбонлар бош мураббийи Веско Стешевич матбуот анжуманида иштирок этди.

"Ўйинидан бохабар бўлмаган қуйи двизион жамоасидан ҳар нарсани кутиш мумкин. Яхшики, бугун биринчи лига клубига қарши ўйинда натижа биз учун ижобий кўриниш ҳосил қилди, 5 та гол урдик. Кучли рақибга муносиб қаршилик кўрсатишга бўлган тинимсиз ҳаракат рақибнинг футболга профессионал ёндашувини кўрсатди.

- Кубокда жамоа олдига қандай вазифалар қўйилган?

Кейинги турда  "Дўстлик" билан ўйнаймиз. Ҳозирда бизнинг мақсадимиз ҳар бир учрашувда ғалаба қозониш ва гуруҳ босқичидан чиқиш.

- Забиҳилло Ўринбоев қачон сафга қайтади?

Бу бизнинг энг катта йўқотишимиз. Ўринбоевнинг жароҳати сабаб режаларимизга ўзгартириш киритишга мажбур бўлдик. Биз уни сафга тезроқ қайтишига умид қилаяпмиз", - деди Стешевич.