Васкес фаолиятини "Байер"да давом эттиради

"Реал Мадрид"нинг собиқ ҳимоячиси Лукас Васкес "Байер" жамоаси аъзосига айланади. Бу ҳақда Фабрицио Романо маълум қилди.

Манбанинг маълум қилишича, "Байер" аллақачон футболчи билан келишувга эришган. Бундан ташқари, тиббий кўрик ҳам ўтказилган.

Июль ойида 34 ёшли футболчи 23 та совринни қўлга киритган Мадрид клубини тарк этиб, эркин агентга айланган эди.

Шартнома имзоланганлиги ҳақидаги расмий хабар тез орада эълон қилинади.