Унаи Эмери нега Микель Артета билан қўл бериб кўришмаганини тушунтирди

АПЛ 19-тури доирасида бўлиб ўтган кечаги учрашувда "Астон Вилла" "Арсенал"га 1:4 ҳисобида мағлуб бўлишди. Якуний ҳуштакдан сўнг Эмери дарҳол кийим алмаштириш йўлаги томон йўл олди. Бугун эса мутахассис нега бундай йўл тутганини тушунтирди

"Мен ҳар доим рақиб жамоа мураббийи олдига бориб, қўл бериб кўришаман ва кейин ичкарига кираман. Агар у ҳам шу қоидага амал қилмаса, мен кутиб тура олмайман. Ҳаво жуда совуқ эди", — деди Эмери.

Эслатиб ўтамиз, икки жамоа ўртасидаги биринчи даврадаги учрашув 2:1 ҳисобида бирмингемликлар фойдасига якунланган эди.