UFC собиқ жангчиси: "Волкановскини беш раундлик жангда енга оладиган рақибни кўрмаяпман"

UFC собиқ жангчиси Жермий Кеннеди ярим енгил вазн (65 кг) чемпиони Александр Волкановски ҳақида гапириб ўтди.

"UFC Мовсар Евлоевни кейинги даъвогар сифатида кўрмаётгандек. Менимча, Лерон Мёрфига чемпионлик имконияти берилади, чунки у супер ғалабалар билан дадил қадам ташламоқда… Бироқ мен ҳануз ярим енгил вазнда Волкановскини беш раунд давомида катта устунлик билан енга оладиган ҳеч кимни кўрмаяпман", — дея Кеннедининг сўзларини келтирди "BJ Penn" нашри.

Эслатиб ўтамиз, Александр охирги жангини "UFC 314" турнирида ўтказиб, Диего Лопесни ҳакамларнинг якдил қарорига кўра мағлуб этганди.