"UFC Pound-for-Pound" рейтингида яна бир кучли жангчи пайдо бўлди

17 август куни бўлиб ўтган "UFC 319" турниридан сўнг "UFC Pound-for-Pound" рейтингида катта ўзгаришлар содир бўлди.

Дрикус дю Плессини мағлуб этиб, ўрта вазнда UFC чемпионига айланган Хамзат Чимаев 10 поғона юқорилаб, 4-ўринга жойлашди. Жанубий африкалик ММА устаси эса 11-ўринга тушиб кетди.

Яна бир эътиборли жиҳат шуки, P4P рейтингига қозоғистонлик Шавкат Раҳмонов ҳам келиб қўшилди ва 15-ўриндан жой олди.

Маълумот учун, навбатдаги UFC турнири 23 август куни Хитойнинг Шанхай шаҳрида ўтказилади. Прелим кард Ўзбекистон вақти билан 12:00, асосий кард эса  15:00 да старт олиши белгиланган.