Уэйн Руни: “Ҳарри Кейн менга ёш Роналдуни эслатади”

“Манчестер Юнайтед”нинг собиқ ҳужумчиси Уэйн Руни журналистлар билан суҳбатда Ҳарри Кейнинг  ўйини ҳақида илиқ фикр билдирди ва уни машҳур португалиялик футболчи Криштиану Роналдуга қиёслади.

Руни Goal сайтига берган интервьюсида Кейнни   манкунянликлар сафидаги ёш Роналдунинг ўйинларига ўхшатганини айтди.

“Менимча, Ҳарри Кейн Англия терма жамоасининг тарихидаги энг буюк ўйинчи. Кейн менга ёш Роналдуни эслатади”, — деди Руни.

Эслатиб ўтамиз, ушбу мавсумда англиялик форвард барча турнирларда 17 ўйинда майдонга тушиб, 23 та гол урди ва 4 та голли узатма амалга оширди.