Учта гранд “Реал” тарбиялаган футболчини талашяпти
- 8-январ 2025, 10:00
- Zohir Toshxo’jayev
- 0
- Футбол
“Жирона”да ўйнаётган Мигель Гутьеррес фаолиятини Англия Премьер-лигасида давом эттириш имкониятига эга бўлди.
CaughtOffside нашрининг маълум қилишича, испаниялик футболчига “Ливерпуль”, “Манчестер Юнайтед” ва “Манчестер Сити” даъвогарлик қилмоқда. Манбага кўра, Хосеп Гвардиола бошқа ҳимоячиларни ҳам кузатиб бормоқда.
Мигель Гутьеррес – “Реал” академиясидан чиққан. Асосий таркибга кира олмаган ўйинчи 2022 йили “Жирона” таклифини қабул қилди.
Жорий мавсумда жами 24 та учрашувда иштирок этган Мигель ҳимоядаги ишларини уддалаш баробарида бир жуфт гол ва бешта ассист муаллифи ҳам бўлди.
Transfermarkt портали истеъдодли ўйинчини 25 миллион еврога баҳоламоқда.
Изоҳлар (0)
Ҳозирча изоҳлар йўқ