Учта гранд Англияда пайдо бўлган 15 ёшли суперталантни талашяпти
- 7-феврал 2025, 08:27
- Zohir Toshxo’jayev
- 0
- Футбол
Англия футболчида янги юлдузча пайдо бўлди. 15 ёшли Жереми Монга ноёб истеъдод эгаси сифатида бўй кўрсатмоқда.
“Лестер Сити” кашф қилган қанот ҳужумчисининг довруғи бугунги кунда Англиядан ташқарига ҳам тарқалди. Мамлакатнинг ўзида Жеремига “Манчестер Сити” ва “Челси” даъвогарлик қилмоқда.
Энди ўйинчини нишонга олган грандлар қаторига “Реал” ҳам қўшилди.
Жереми Монга ёш бўлишига қарамай, ўта тезкорлиги, дриблинги ва майдонни яхши кўра олиш қобилияти билан ажралиб турибди.
“Лестер Сити” келажаги порлоқ ўйинчини осонликча қўйиб юбормайди. Экспертлар Монганинг трансфер суммаси ёши улғайиши билан янада кўтарилиб борилишини таъкидламоқда.
“Реал” раҳбарияти клубнинг жаҳон миқёсидаги мавқеи ҳар қандай ўйинчи каби Жереми Монганинг танловига таъсир қилишига умид билдирмоқда.