U-23 Осиё кубоги саралаши. Ўзбекистонга аянчли тарзда ютқазган Афғонистон бу сафар Эронга мағлуб бўлди

23 ёшгача бўлган футболчилар ўртасида Осиё кубоги саралаш босқичи давом этмоқда. Ўзбекистон Олимпия терма жамоаси жой олган "E" гуруҳида 2-турнинг дастлабки ўйини бўлиб ўтди. 

Афғонистон ва Эрон терма жамоалари ўртасида кечган баҳсда форслар йирик 4:0 ҳисобида зафар қучди. Эрон термаси сафида голларга Муҳаммад Ғурбани, Ҳуссейн Гударзи, Оллоёр Сайядманеш ва Муҳаммаджавад Ҳуссейннажад муаллифлик қилди. 

Эслатиб ўтамиз, Афғонистон илк турда Ўзбекистонга 1:8 ҳисобида мағлуб бўлганди. Эрон эса Гонгконгни 3:0 ҳисобида таслим қилган.