U-23 Осиё кубоги саралаши. Ўзбекистон Олимпия терма жамоаси Гонгконг дарвозасига жавобсиз 10 та гол уриб ғалаба қозонди!

23 ёшгача бўлган футболчилар ўртасида Осиё кубоги саралаш босқичи 2-тури доирасида Гонгконг - Ўзбекистон ўйини бўлиб ўтди. Унда вакилларимиз ўта йирик 10:0 ҳисобидаги ғалабани қўлга киритди. 

Ҳамюртларимиз сафида голларни Норчаев (хет-трик), Файзуллаев, Одилов (пенальти), Раҳмоналиев (пенальти), Ман Йип Чеук (автогол) ва Ҳошимов(хет-трик) муаллифлик қилди. 

Шу тариқа, олимпиячиларимиз бу турдаги ажойиб ғалаба эвазига турнир жадвалида яна 1-ўринга чиқиб олди. Навбатдаги 3-тур ўйини 12 сентябрь куни 19:00 да Эронтермасига қарши бўлиб ўтади.